Dokument: Chat Korpus\Professionelle Chats\Medienkontext\Bluewin\bluewin_Marta_Emmenegger_23-05-2001.xml

Dateiname: bluewin_Marta_Emmenegger_23-05-2001.xml
1

Ben

was ist Kamasutra
2

Marta Emmenegger

kamasutra isch en indischi art um liebi zmache. e liebesphilosophie zum sinnlichkeit zgwünne. ursprünglich isch es gschaffe worde für inter - obwohls dört andersch isch, hät mer da bi eus adaptiert
3

Girlslover

wieviele stellungen gibt es?
4

Marta Emmenegger

das weiss ich nöd emol. jede übt die, woner am liebschte hät. ich hans no nie zellt.
5

water

Hoi Martha, findest Du wenn man bist 17 keinen Sex hatte das man nicht normal ist??
6

Marta Emmenegger

das meined e hufe jungi lüt, bsunders jungi manne, wänns mit 20 no kei sex gha händ, dänn sigets nöd normal. aber natürlich isch das e falschi istellig - do muess mer eifach e chli mehr sälbstbewusstsi ha. es gat wahrschinlich anderne i dim alter au so
7

clickking

welche gleitcreme kannst du empfehlen?
8

Marta Emmenegger

ach, mer chan ganz e eifachi näh; ohni rezäpt i de drogerie. do lueget jo auch kei kassiereri druf. mer söll sich au nöd geniere. das got ja nur eus öppis a, was mir dänn chaufed. Bitte kei vasilin näh, wil das zum biespiel skondom agrieft und das dänn nöme dicht isch
9

MYSTIKAL_m16

wie gross muss der Penis sein um eine Frau befriedigen zu können?
10

Marta Emmenegger

jetzt aber zu de penisgrössi: es isch so, dass auch ganz en chline penis gnueg gross isch, zum e frau zbefriedige. dFrau hät alli ihri empfindlichkeite ganz vorne i de vagina. drum chan mer sie au befriedige, wänn mer nöd wiet idringt, sondern sie vorne bi de schamlippe dberüehrig suecht
11

Supergirl1

gibt es eine bestimmte grösse von den busen um den mann zu béfridigen
12

Marta Emmenegger

natürlich sind dbedürfniss fu de manne unterschiedlich. da gits nöd würklich es maass. grad über so sache söt mer mit em partner rede. ganz sicher chan en chline wie en grosse buse gfalle
13

Marco3

was kann ich tun wenn ich beim sex zu früh komme ?
14

Marta Emmenegger

ja, das isch schwierig. das problem händ ganz viele jungi manne. es isch e frog fu de erfahrig. du lehrsch, wie du bewegige muesch mache, dass du nöd zschnäll erregt wirsch e gueti metode isch vielicht, während em verkehr a-zhalte mit de bewegige. die meischte lehret das währed de erschte johre wo mer sex hät - mängisch bruchst aber au länger. vili manne säged, wänns e neui fründin händ, wänns ufgregt sind, chunds erscht rächt zfrüeh. wänn das emenä ma scho paar mal passiert isch, dänn hät er mängisch au echli angst, dass es wieder passiert - und prompt chunds dänn wieder zfrühe. es isch ganz wichtig, dass mer sich sälber nöd under druck setzt
15

Daniel_3

Frau emmenegger:Wenn mini Partnerin mech oral befriedigt,seti denn es Kondom ah ha?I mein,wegem Aids.
16

Marta Emmenegger

es git d lüüt wo säged, zur sicherheit seigs wichtig, dass mer au do es kondom alegi. verschiedeni fachlüt sind aber de meinig, dass es bim oralverkehr nöd nötig isch allerdings muess z.b. d maa vor em erguss de penis zruggzieh. dfründin söt nöt sSperma is mul näh oder schlucke, wänn mer ganz sicher wet gah
17

aylin

können frauen wirklich multible orgasmen bekommen
18

Marta Emmenegger

ja, da chönd vili fraue mehreri orgasme hinderenand ha. aber das heisst nöd, dass e frau, wo nur eine hät und dänn e pause brucht, e schlächteri liebhaberi isch. oft isch de orgasmus, wänn mehr mehreri hinderenand hät, nöd e so stark. uf kein fall söt de ma de fründin zverstah gäh, wänn sie nöd mehreri orgasme hät. 1. muess si jo näh, was chund, 2. setzt er sie so under druck
19

Shaggy1

Wer kommt eigentlich schneller, der Mann oder die Frau???
20

Marta Emmenegger

das isch ganz underschiedlich. am meischte wird klagt, dass de ma zschnäll chund. es passiert aber au oft, dass dfrau zerscht chund, will de ma no echli zue wartet und no chli möcht gnüsse
21

johny

liebe marta können sie mir sagen ob analsex unhygenisch ist?
22

Marta Emmenegger

ich finde nöd. wänn mer gwönnlich vorher dusched, isch es au hygienisch. es chan halt passiere, dass mängisch us em darm e chli material chund und es isch besser, wänn mer das nöd is muul nimmt - da au in punkto aids. analverkehr isch die gfährlichschti methode
23

sunshine

kann sex süchtig machen???
24

Marta Emmenegger

hmm, ich wirde hüfig gfraged: "ich bin sexsüchtig" - wänn öpper gern und hüfig sex hät, dänn heisst das nöd grad, dass mer süchtig isch. aber söt mer doch sgfühl ha, mer sigi sexsüchtig, dänn chan mer sich au e chli ablänke; mer muess öppis finde, zum sich ablänke
25

Stan

Gibt es ein bestimmtes alter um sex zu haben?
26

Marta Emmenegger

mer hät jo hüt sehr früeh scho sex. vergliche mit dere ziit wo ich jung gsii bin, hät mer jo scho sgfühl gha, wänn mer mit 20 sex gha hät, das sig viel zfrüeh gsii. aber hüt chömed die junge lüüt jo au scho viel früener i dpupertät. es isch drum au nömme ussergwöhnlich, dass scho 13jährigi sex händ. aber ich glaube doch, dass dmehrheit länger wartet - au will mer doch no chli angst hät dervor oder au dglägeheit nöd hät dezue
27

_Joschi

wie fühlt man sich manchmal, als sex-beraterin, wenn manche komische probleme haben ?
28

Marta Emmenegger

ich han nie de idruck, dlüüt heigit komischi problem. es git scho mol öpper, wo vielicht eifach us spass öppis fröged.aber meischtens frögeds würklich nur wäge öppis wo sie interessiert oder beschäftiget
29

Otto

farge an marta: wenn ich ein steifes glied bekomme schlafft er sehr schnell wieder ab wenn ich nichts mache oder wenn ich ein orgasmus habe legt er sich gleich darauf schlafen. ist er zuwenig durchblutet?
30

Marta Emmenegger

nein, nein (lacht) das isch ganz normal. es isch so, dass nach du de erguss häsch, flüsst sbluet ab. wänns bluet abflosse isch, gat ebe de penis schlafe - so wie du dem seisch
31

Ben

Wie kann ich merken das ich schwul bin?
32

Marta Emmenegger

eigentlich isch das eifach, ben. wänn du gspührsch, dass du eifach meh uf buebe schtasch als uf meitli. es isch aber so, dass i ganz junge jahre, solang dpupertät nunig abgschlosse isch, chas es gäh, dass du mit anderne buebe gwüssi spieli mach oder eifach neugierig bisch, wie anderi reagieret. aber da heisst ja nunig, dass du homosexuell bisch. das chasch du erscht sicher wüsse, wänn du au no mit 20 oder 22 uf buebe schtasch, dänn wirds langsam klar
33

CrazyGirl_SG

I bin 14ni und min fründ will mit mir schlofe.I wör scho gern aber i weiss nöd recht.Bin i denn zjung für da?
34

Marta Emmenegger

lueg, du sötsch erscht mit dim fründ schlafe, wänn du sälber au sbedürfnis häsch. solang du unsicher bisch, und eigentlich nöd so rächt wotsch, tuesch es vielicht besser no chli ufschiebe
35

Xantira

bitte! was kann ich tun, damit die flüssigkeit, die ein mann vor der ejakulation produziert, beim oralen sex besser schmecken zu lassen?
36

Marta Emmenegger

es schmöckt halt so, wies schmöckt. do chasch du nüt mache - usser dich dra gwönne und's dänn uf eimal agnehm finde
37

MYSTIKAL_m16

Warum haben Männer einen so gennanten Morgenständer?
38

Marta Emmenegger

da gits verschiedeni erklärige. es isch es ganz es gsunds zeiche, wänn de ma am morge e "latte" hät. mer füehrts zum teil uf en harndrang zrug (wänn mer ufs hüsli muess) und andersits au uf dbettwärmi - mer isch entspannt und drum isch de penis durchbluetet
39

tobi26

wo befindet sich der g-punkt?wie weit innen?an welcher seite?
40

Marta Emmenegger

(lacht) - es sind ständig manne uf de suechi nach em g-punkt. sisch so, dass es bi jedere frau es bitzli andersch isch. als faustregel chan mer nä - öppe a de obere wand vu de vagina, öppä 1 cm nach inne. es isch aber nöd jedi frau glich empfindlich bim g-punkt - vili verspräched sich devo zviel
41

Bienli

was isch a beschnittena penis?
42

Marta Emmenegger

das isch en penis, vo dvorhut nömme hät oder nur no teilwies. mängisch wird scho de chlini bueb us religiöse gründe beschnitte, aber in amerika z.b. wird das au gmacht us hygienische gründe. us hygienische gründe, will sich, wänn dvorhut nömme det isch, kei schmutzt chan asammle
43

sunshine

i ha min ex mol eis blaset und sis sperma isch mer e bitz is mul cho i has grad use gspukt,isch das glich schlimm?
44

Marta Emmenegger

schlimm isch e eigentlich überhaupt nöd. es isch nur wäge de ansteckungsgefahr, dass mer nöd söll sperma is mul näh. susch machts jo nüt - mer chan jo au nöd schwanger wärde devo (schmunzelt)
45

ich14

ich mache selbstbefridigung aber nur indem ich mir den kitzler reibe... aber wenn ich mr den finger schiebe ist das total ungeil! wie finde ich den g punkt? oder was kann ich alles sonst noch tun das ich einen total orgasmuss kriege?
46

Marta Emmenegger

es git vili fraue, wo bi de sälbstbefriedigung viel meh gfühl händ als zb bim gschlächtsverkehr mit emene maa. es isch nöd ungwöhnlich, dass du nöd viel gschpürsch, wänn du de finger ine schiebsch. aber wänn du das so machsch, dass du de kitzler berüehrsch, gspürsch du scho wieder meh
47

BlondBlauPiercing_W

Wenn ich mich Selbstbefriedige denke ich an meine beste Kollegin!! Bin ich lesbisch?
48

Marta Emmenegger

wänn du no sehr jung bisch, au nunig viel sexuelli erfahrige häsch, will das no nüt heisse. erscht, wänn du nach e paar johre immer no lieber a dini kollegin dänksch als a nen maa,dänn chans sii, dass du lesbisch bisch - aber, so what? du chasch als lesbe genau e so nes erfüllts sexualläbe ha, wie wänn du hetero bisch
49

Swicherin22

du machsch ja die beratige scho zimli lang. ich chami no erinnere wie e radiosändig gmacht häsch. sinds eigentli nöd immer chli die gliche frage woder gstellt werdet. isch das mängisch nöd chli "langwilig"?
50

Marta Emmenegger

grad innere radiosändig chömed mäng mol glichigi froge. aber ich han nie sgfühl gha, dass es zwenig abwächslig debii gha hät - es chund jo immer wieder neuis und interessants
51

Marcel

ich bin scho 15 1/2 johr alt und han no kei sameerguss kha. muess ich mer jetzt sorge mache, oder gahtz bi mir eifach as bitzeli länger???
52

Marta Emmenegger

ich glaube scho, es got bi dir eifach es bitzli länger. sorge muesch der würklich no gar keini mache. erscht, wänn du vielicht au mit 17 oder 18 no kän same-erguss häsch, dänn söt mer mal naluege, öb alles in ordnig isch. zum dem zwäck müestisch zumene urolog go
53

water

Wiä würdisch Du guete Sex bezeichne??
54

Marta Emmenegger

guete sex isch nöd e frag vu de stellige wo mer usprobiert und au nöd, was mer suscht verruckts macht. für mich isch guete sex, wänn beidi mitenand guet druf sind, luscht uf enand händ und wänn sie eifach szämme sii voll und ganz chönd gnüsse
55

Juengling

ich bi 20 und würd gärn emol äs erotischs abentür mit ere 30jährige frau erläbe, gits fraue wo uf so jungi manne stönd, und wenn ja, wie söll ich das aastelle?
56

Marta Emmenegger

ja sich gits fraue wo uf so jungi, netti manne schtönd. du muesch nur de muet ha, wänn du so ne frau känne lehrsch, wo dir gfallt, dass au öppis mit ihre afangsch. sie git dir gli zverstah, ob sie gern mit dir intim würdi oder lieber nöd
57

Lukas

wieso habe ich eine solche starke neigung an getragenen damenslips zu schnuppern
58

Marta Emmenegger

neigige suecht mer sich nöd us - mer hät si eifach. es git relativ viel manne, wo gern a d'treite dameslip umeschmöcked
59

rosa

wie finde ich einen guten sexualberater?
60

Marta Emmenegger

das isch no e gueti frag, will die würklich guete, also usbildeti psychotherapeute/sexualtherapeute defür kei werbig mached. aber wänn du es problem hättisch, gits ja hüt sexualberatigs-stelle, z.b. a de uni, wo dir chönd öpper agäh oder dich grad sälber gehandlet
61

singel

ist es verboten mit meiner schwester sex zu haben?
62

Marta Emmenegger

ja, das gilt als inzest - aber es chund vor, ohni, dass öpper öppis devo weiss. ich persönlich finde aber, dass es sicher für alli besser isch, wänn mer sich de sexualpartner nöd i de familie suecht, sondern imene neue und fremde chreis
63

Mike

Grüezi Frau Emmenegger. Welche Verhütungsmethode ist am sichersten?
64

Marta Emmenegger

also skondom isch eis fu de guete, sofern dfrau no es scheidezäpfli ifüehrt. am sicherschte vu allne verhüetigsmittel isch immer no dpille
65

Tina_BE

ich und mein freund wollen zusammen schlafen,aber ich habe einweing angst .warum???
66

Marta Emmenegger

ja, aber ich chan halt nöd i dich inegseh, drum weiss ich nöd, warum du angscht häsch. vielicht meinsch du, es tägi weh oder du werdisch schwanger? also weh tuets höchschtens en chline momänt, wänn überhaupt - und damit du nöd schwanger wirsch, tuet mer jo verhüete. aber es chan au sie, dass du eifach en unbestimmti angst häsch, wills für dich neu isch und will du vielicht meinsch, due miech'sch öppis böses. tue doch mit dim fründ über dini ängst rede und zäme findeter sicher e lösig.
67

Marta Emmenegger

d'Marta danket au fürs mitmache, hät spass gha, uf die viele froge antworte zgäh und wünscht allne für d'zuekunft viel glück i de liebi